Beothuk

About

ATUSSEUTSHUAP

Béothuk Inc. innu-atusseutshuap ussi-tshitshapanitishu uin ka nishtuapatak assinnu miam umushuma, kassinu aueshisha kie nutim ka nitautshinit tshekuannu anite minashkuat tshi uauetashkamikaimu assinu katshi pimuteniti auennua. Umashinaikanitshuap anite takuannu innussit Mani-utenam.

Katshi ishpish tatupipuna atussenanut pet utat, anutshish ma kassinu ka ussi-tutakanniti atusseuna nishtam akua assi tutakannu. Béothuk uitshi-atussemeu kupaniesha ka nishtuapatamaniti utatussenua ne assi e uitakanit, ka ueueshitshitapatak atusseunnu kie utaitapishtauna minu-apatshitinua.

ESHI-UAPATAMAT

Nitapuetatishunan ninan eshi-inniuiat miam nananat nimushuminanat ka ishpish ishpitenitakau assinu kie mishta-akua ka tutakau kassinu tshekuannua uetshipanit anite assit, eukuan uet ninan nishtam e taiat tshetshi akua tutamat ne assi e uitakanit.

ESHI-ATUSSEIAT

Nimushiminanat utshissenitamunuaua eukuan e apatshitaiat tshetshi innikataiat kassinu eshi-takuak anite minashkuat katshi anite tatau auenitshenat. L’EMFI (Environnement en Milieu Forestier et Industriel) nasht eka animat tshetshi nishtutakanit eukuan ne muku tshetshi uauetashkamikaimat tshetshi ishinakutaiat miam ueshkat eshku eka mishta-pikunak auen assinu. Béothuk tshitapatamu kassinu tshekuannua ishinakuanit mak akua tutamu tshetshi minunakutat nutim assinu miam ueshkat eshku eka tutakanit anite atusseuna kie mak eshku eka pikunak auen nenu assinu.

AIMUNA PEMUTAIKUIAT

Nitapuetatishunan umue ishpish minu-kanauenitmat ne assi eukuan uet tshe ut tshi minu-ashu-patshitinamat tshimushuminanat utaimunuaua kapimutaikutau :

Katshi tshishi-atussenanut anite, anu niminuatenan tshetshi kau minu-ashtaiat ne assi ka ishinakuak miam ueshkat;

Nitapuetatishunan umue nishtam tshekuan, tshe ui kuishkushiuat, tshetshi eka nita patshitenimuiat mak tshetshi nasht eka kataiat tshekuan e nitshishkatunanut kie ma e atussenanut;

Nitapuetatishunan umue tsheshkutamuakanitau innuat e atussetau eukuan anu uet minuat e minutakanit atusseun anite minashkuat.

Minuenniun mak atusseu-shutshenitamun eukuan nishtam e tshitapatamat tshetshi akua tututshiht ka atusseshtutshiht mak nikupanieminanat.

Contact us

For your free quote, contact us right now!